Foto: flickr.com/photos

Zënter dem Ufank vum Joer ass an der CSV eng nei Dynamik ze spieren. Dat d’Partei an der Oppositioun ass, motivéiert eis Membere richteg. Op den Neijoersreceptiounen a Kongresser waren der méi do wéi soss. An déi Meescht vun hinne wëllen aktiv partizipéieren.  Hirt Wëssen, hir Zäit, hir Energie, hir Iddien asëtze fir d’CSV an d’Land weider ze entwéckelen.

Wéi kënne mir dat ganzt Potenzial vun eisen 10.000 Memberen nach besser asëtzen? D’Fonctionnement vun der CSV un d’Erausfuerderungen vun der Oppositiounszäit upassen? Déi modern Partei aus der Mëtt vun der Gesellschaft bleiwen?

Op dës Froe gëllt et an den nächste Wochen a Méint Äntwerten ze fannen. An enger oppener a konstruktiver Diskussioun mat der ganzer Partei. Ech géif gären, mat konkrete Virschléi, mäin Deel dozou bäidroen an dee Prozess mat begleeden. Dofir stellen ech meng Kandidatur fir Generalsekretär ze ginn.

Alleng ka keen dat maachen. Et muss eng kollektiv Aarbecht sinn. Jidderee gëtt gebraucht. Well mir all sinn d’CSV.